한국의 금기 문화(ကိုရီးယားရဲ့ တားမြစ်ချက် ယဉ်ကျေးမှု)

한국의 금기 문화

(ကိုရီးယားရဲ့ တားမြစ်ချက် ယဉ်ကျေးမှု)

တားမြစ်ထားတဲ့အချက်အလက်တွေအများစုမှာ ရိုးရာယဉ်ကျေးမှုဆိုင်ရာအဓိပ္ပာယ်ကောက်ချက်တွေ ပါဝင်နေပါတယ်။ ကိုရီးယားရိုးရာအရ ထိန်းသိမ်းလိုက်နာရမယ့် တားမြစ်ချက်အချို့ကိုတော့ အောက်မှာ ဖော်ပြထားပေးပါတယ်။

ပထမတစ်ခုကတော့ -ဂဏန်းအက္ခရာ 4ပါ။
သူ့ အသံထွက်က 사(Sar)လို့ အသံထွက်ရပြီး 한자(Hanja)အနေနဲ့ 四 လို့ရေးရပါတယ်။ ဒါပေမယ့် သူ့အသံထွက်က 한자(Hanja) 사(死) နဲ့ အသံထွက်သွားတူ‌နေပါတယ်။ 死 သူရဲ့ အဓိပ္ပာယ်ကတော့ သေဆုံးခြင်းဖြစ်ပါတယ်။ အဲ့တာကြောင့် ကိုရီးယားလူမျိုးတွေဟာ ဆေးရုံ၊တည်ခိုးခန်း၊အဆောက်အဦး စတာတွေရဲ့ အထပ်တွေကို ရေးတဲ့အခါ 4အစား အင်္ဂလိပ်အက္ခရာ Fကို ပြောင်းလဲ၍ အစားသွင်းသုံးကြပါတယ်။

ဒုတိယတစ်ခုကတော့ -미역국(ရေညှိဟင်းရည်) ပါ။
미역국(ရေညှိဟင်းရည်)ဟာဆိုရင် ကိုရီးယားလူမျိုးတွေရဲ့ ရိုးရာအစားအသောက်တစ်မျိုးဖြစ်ပါတယ်။ သို့ပေမယ့် ကိုရီးယားလူမျိုးတွေဟာ စာမေးပွဲရှိတဲ့အချိန်တွေဆိုရင် 미역국(ရေညှိဟင်းရည်)ကို သောက်ဖို့ ရှောင်ရှားကြပါတယ်။ ဘာလို့လဲဆိုတော့ 미역ဆိုတဲ့ရေညှိရဲ့ ကျိချွဲပြီး ချောတဲ့ ပုံစံကြောင့်မလို့ စာမေးပွဲမှာ ချော်ပြီး ကျသွားမှစိုးလို့ပါ။ပြီး‌‌တော့ 미역국(ရေညှိဟင်းရည်)နဲ့အတူ စာမေးပွဲမဖြေခင် ဆံပင်ညှပ်ခြင်း၊ရေချိုးခြင်းတို့ကိုလည်း ရှောင်ရှားကြပါသေးတယ်။

တတိယတစ်ခုကတော့ -နာမည်တွေကို စာအုပ်အပေါ်ရေးတဲ့အခါ မှင်အနီနဲ့ မရေးရခြင်းပါ။

အနီရောင်ဟာ သေဆုံးခြင်းကို ကိုယ်စားပြုတဲ့အရောင်ဖြစ်သည့်အတွက် ကိုရီးယားလူမျိုးတွေဟာ နာမည်တွေရေးတဲ့အခါ မှင်အနီကို မသုံးကြပါဘူး။ အကယ်၍ အဲ့လို မှင်အနီကိုသုံးပြီးရေးလိုက်ရင် ရေးခံရတဲ့ လူဟာ မကောင်းတဲ့အရာတွေနဲ့ ကြုံရမယ်ဆိုပြီး အယူရှိကြပါတယ်။

နောက်ပြီး အိမ်ရှေ့တံခါးမကြီးအပေါက်မှာ ရပ်ခြင်း၊ ညဘက်တွင် လက်သည်း၊ခြေသည်းညှပ်ခြင်းတွေကိုလည်း ရှောင်ရှားကြပါတယ်။